bo i czimie w napiyńciu i mo kupa fabularnych zaskoczyń, no i przede wszyskim rozgrywo sie w roztómajtych miyjscach naroz. Amerykóny i Ruski stojóm na progu wojny, a napuścił ich na siebie neonazistowski szalyniec, który kupił zaginióno, izraelsko bómba jóndrowo, znalezióno przipadkowo na pustyni. Trocha tu Jamesa Bonda, trocha political-fiction, ale zahaczajóncego o współczesno tymatyka polityczno, to i oglóndo sie to z zapartym tchym. Niby motywy znane, ale jak sie odpowiednio podkryńci tympo, zrobi porzóndne zdjyńcia i obsadzi kogo czeba, to pooglóndać idzie. Co ciekawe, to ruski prezydynt (w tyj roli znakómity Ciarán Hinds, który błysnół już jako Finn McGovern w gangsterskij DRÓDZE DO ZATRACYNIO) wydowo sie być bardzij ludzki i sympatyczny od swoigo odpowiednika w Biołym Dómu. Jego doradca (straszy chopek, pamiyntajóncy jeszcze czasy Breżniewa) tyż jes całkiym "na poziómie", o czym przekónuje sie pod kóniec filmu Ben Affleck. Dobre kino! Z demokratycznóm tezóm w tle i gwiaździstym sztandarym na ekranie, ale mimo wszysko dobre kino!